AVRO-2020-nin Türkiyə ilə oyununda penaltini qaçıran Qaret Beyl ilkə imza atıb.

Apasport.az saytının məlumatına görə, Bakı Olimpiya Stadionunda uğursuzluq yaşayan Uels millisinin futbolçusu XXI əsrdə Avropa çempionatının final mərhələsində 11 metrlik cərimə zərbəsindən çərçivəyə düşməyən ilk futbolçu olub.

Bu əsrə təsadüf edən əvvəlki 4 çempionatda belə hadisə yaşanmayıb. Penaltidən çərçivəni dəqiq nişan almayan sonuncu futbolçu Raul olub. İspaniya millisinin əfsanəsi AVRO-2000-də Fransanın qapısına yol tapa bilməyib.

Qeyd edək ki, Beyl özü qazandığı penaltini qaçırsa da, Türkiyə ilə oyunda hər iki qolun ötürməsini verərək 2:0 hesablı qələbənin memarı olub və matçın ən yaxşısı seçilib.
 

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”