Bakı. Vüqar Xeyrullayev - APA-Sport. Azərbaycan çempionluğunu rəsmiləşdirmək üçün Bakının “Olimpik” klubu Ağasəlim Mircavadovun yubileyini korlamağa çalışacaq. “APA-Sport” agentliyinin məlumatına görə, 61 yaşlı mütəxəssisin rəhbərlik etdiyi “Xəzər-Lənkəran” Premyer Liqanın liderini məğlub etməklə, baş məşqçisinin yubileyini rəsmiləşdirəcək. Artıq sabiq ölkə çempionu olan lənkəranlıların qələbəsi A.Mircavadovla əldə olunan 50-ci uğur olacaq. İndiyədək “Xəzər-Lənkəran” mütəxəssisin rəhbərliyi altında 49 qələbə qazanıb. A.Mircavadovun yetirmələri Premyer Liqada 31, ölkə kubokunda 14, MDB və Baltikyanı ölkələrin çempionlarının Birlik kubokunda 4 dəfə rəqibini üstələyib. Yubiley ərəfəsində olan lənkəranlılar 61 yaşlı çalışdırıcısının rəhbərliyi altında qazandığı qələbələrin 3-ü “Olimpik” üzərində qeyd alınıb.
Qeyd edək ki, “Xəzər-Lənkəran” iki ildir komandanı çalışdıran A.Mircavadovun başçılığı altında ümumilikdə 73 matç keçirib. Bu görüşlərdə cənubluların 49 qələbəsi ilə yanaşı 16 heç-heçə və 8 məğlubiyyət qeydə alınıb. Cənub təmsilçisi 73 qarşılaşmada 155 top vurub, 52-ni buraxıb.

• Türkiyə millisi 3 futbolçunu heyətdən kənarlaşdırıb - MƏRC QALMAQALINA GÖRƏ
• “Qalatasaray” və “Beşiktaş”dan mərc araşdırması ilə bağlı açıqlama
• Eren Elmalı mərc oynadığını etiraf edib: “Beş il əvvəl…”
• “Qalatasaray”ın futbolçusu mərc qalmaqalı ilə bağlı açıqlama yayıb: DAHA DİQQƏTLİ OLACAĞAM
• “Real”ın heyətində daha bir İTKİ