Azərbaycanı beynəlxalq fiqurlu konkisürmə yarışlarında təmsil edən Yekaterina Ryabova Fransanın Monpelye şəhərində keçirilən dünya çempionatının qısa proqramında ilk çıxışını edib. 

Apasport.az saytının məlumatına görə, buz üstünə çıxan təmsilçimiz 65,50 xal toplayaraq 9-cu yerdə qərar tutub. 

Topladığı xalların nəticəsinə uyğun olaraq təmsilçimiz növbəti mərhələyə yüksəlib.

Yekaterinanın yarışda növbəti çıxışı sərbəst proqram üzrə martın 25-də olacaq.

Martın 21-də start götürən mundialda Azərbaycan 4 idmançı - Vladimir Litvintsev, Yekaterina Ryabova, həmçinin buz üstündə rəqs üzrə Yekaterina Kuznetsova və Aleksandr Kolosovskiy ilə təmsil olunur.

Vladimir Litvintsev martın 24-də qısa proqramda, 26-da sərbəst proqramda çıxış edəcək.

Yekaterina Kuznetsova və Aleksandr Kolosovskiy isə martın 25-də və 26-da qısa və sərbəst proqram üzrə çıxış edəcəklər.

Qeyd edək ki, dünya çempionatı martın 27-nə kimi davam edəcək.
 

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib