Avropa Cüdo Birliyi (EJU) Portuqaliyanın paytaxtı Lissabonda seminar keçirir.

Apasport.az saytı xəbər verir ki, seminar Beynəlxalq Cüdo Federasiyası (IJF) tərəfindən bu ilin əvvəlində tətbiq edilən yeni hakimlik və məşqçilik qaydalarına həsr olunub.

Tədbirdə müxtəlif ölkələrin beynəlxalq dərəcəli hakimləri iştirak edir. EJU-nun hakimlər üzrə direktoru Aleksandr Yatkeviç çıxışında bildirib ki, təşkil olunan seminar cüdo üzrə biliklərini təkmilləşdirən peşəkar hakim və məşqçilər üçün əla fürsətdir. Bu tədbir, eləcə də idmançılar və idman həvəskarları üçün də çox faydalıdır.

Qeyd edək ki, sabah yekun vurulacaq seminarda Azərbaycan Cüdo Federasiyasının prezidentinin müşaviri, əməkdar idman ustası Natiq Bağırov və federasiyanın hakimlər üzrə meneceri Mətin Rəhimli də iştirak edir.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib