Azərbaycan cüdo yığması Antalyada keçirilən "Böyük Dəbilqə" turnirinin ilk gününü medalsız başa vurub.

Apasport.az saytının məlumatına görə, millimizin sonuncu medal şansı olan Orxan Səfərov 3-cü yer uğrunda qarşılaşmaya çıxmayacaq.

66 kq çəki dərəcəsində yarışan cüdoçumuz keçirdiyi sonuncu görüşdə zədələndiyi üçün mübarizəni dayandırıb. Yığmanın həkiminin tövsiyəsi və baş məşqçisinin qərarına əsasən Səfərov tatamiyə çıxmayacaq. 

Qeyd edək ki, Azərbaycan millisi Antalyaya 17 cüdoçu ilə yollanıb. Onlardan 7-si ilk yarış günündə tatamiyə çıxıb. Turan Bayramov, Rövşən Əliyev (hər ikisi 60 kq), Yaşar Nəcəfov, Orxan Səfərov (hər ikisi 66 kq), Leyla Əliyeva, Şəfəq Həmidova (hər ikisi 48 kq) və Gültac Məmmədəliyeva (52 kq) medal qazana bilməyib.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib